Духовное Управление Мусульман Чувашской Республики -

18 октября исполнилось 50 лет Хайдару Сафиуллину. Хайдар Абдулбариевич с Тамарой ханым воспитали двоих сыновей, воспитывают внуков. Он также является председателем мусульманского прихода №18 г.Чебоксары, заместителем муфтия по вопросам строительства. Со значимой датой юбиляра поздравили большая делегация во главе муфтия Альбир хазрата. Добрые пожелания от имени мусульман Хайдару эфенди высказали Казый С.Гимаев, руководитель аппрата ДУМ М.Хайбуллов, ректор медресе "Гулистан" Н.Ямалутдинов, имам мухтасиб Ж.Гарифуллин, советник Муфтия И.Кадыров, имам центральной соборной мечети им.Трех Сподвижников Р.Крганов,имам мухтасиб Ф.Сафиуллин.

Фарит Гибатдинов направил в адрес Хайдар эфенди теплые пожелания.

Урмай авылында туып үскән, хәзерге вакытта Чабаксар шәһәрендә яшәүче Абдулбари улы Хайдәр Сафиуллинның 18 нче октябрьдә юбилее, аңа 50 яшь! Хайдәр әфәндене татар җәмәгатчелеге республикада бик яхшы белә. Аның эшләгән эшләрен санап үтсәң, исәпсез-хисапсыз. Иң олы күркәм эше , Алла ризалыгы өчен эшләгән эше, Чабаксар шәһәрендәге "Булгар” мәчетен төзү эшләрен алып бару, аны аякка бастыру, аннан дистәләгән еллар Чувашия Республикасы мөселманнары ДН рәисе урынбасары вазыйфасын үтәү. Бүгенгесе көнгә кадәр туган җире Урмайда төзелүче "Кара пулат” мәчетенә фидакарь хезмәтен, өлешен кертүче, матди һәм теоретик яктан булышучы. Сине олы бәйрәмең, 50 яшьлек юбилеең белән чын күңелдән котлыйбыз! Кеше гомеренең язын, җәен яки көзен билгеләү, мөгаен, мөмкин түгелдер. Һәр чорның үз матурлыгы, үз яме бар. Бүгенге көндә син үзең дә инде чын ир кеше, бабай, олы гаилә башлыгы, оныкларыңны тәрбияләүче, табигатьнең иң гүзәл баласы, тормыш иптәшеңнең һавасы, балаларыңның кояшы, туганнарыңның челтерәп аккан чишмәсе. «Икмәк — ата, су — ана», — диләр, ә кешелек дөньясын елгалар, инешләр, диңгезләр бизи. Агач нәселе җир үтә керә, адәм нәселе ил үтә керә. Син, илеңә, тормыш иптәшеңә яшәеш чыганагы булып, балаларыңа җан өргәнсең, аларга Иман биргәнсең. «Балаларым», — дип күпме көннәр, күпме төннәр хафаланып йөргәнсең. Син җирдәге һәрнәрсәгә гашыйк. Гашыйк таңга, зәңгәр кичләргә. Син яшисең шундый матурлыкка Тагын матур бер ямь өстәргә. Хайдәр Абдулбариевич! Бүген гомер мизгелеңнең матур бәйрәме, ир-атның акыл туплаган, асыл, иң күркәм чоры. Киләчәктә дә сәламәтлек, җан тынычлыгы, яңадан-яңа куанычлар, мул тормыш телим. Әрнү-сагыш белмә, гел шулай батыр бул, изге дөньяның барлык рәхәтлекләрен күреп, бергә-бергә күңелле итеп яшәргә Ходай насыйп итсен. Изге теләкләр белән сайт укучылары исеменнән дустың Фәрит Гыйбатдинов.