Мөфтиләр Шурасының Мәскәү мәчетен җимерүдә «яңгыр сәбәбе» фаш ителә Сәясәт | Татар заманы | 12.09.2011 23:55
Мәскәүдәге 100 еллык Җәмигъ мәчетен бульдозерлар белән җимереп атуга төнлә коеп яуган яңгыр сәбәп булганмы? Мәчетне 1 сентябрьдән үк сүтәргә җыенган Равил Гайнетдин төркеме Аллаһ йортын юк итүдә яңгырны сәбәп итә. Ни өчен бүгенге көндә Русиянең Европа өлеше Диния нәзарәте вазифаларын Равил Гайнетдиннең урынбасары Дамир Гизатуллин башкара? Равил Гайнетдин кая?
Вконтакте челтәрендә Евгений Dub Dervish Малик хәбәр язуынча, аңа мәчет җимерүнең шәһите булган кеше рәсемнәр җибәргән. – Мин мәчет янында яшим. Төнлә ачык тәрәзләр белән йоклыйбыз. Мәчет дивары ишелгән тавышны ишетмәдек. Иртәнге 9да бульдозер килеп мәчетне җимерә башлады. Эшне ике сәгатьтән бетерделәр. Гомумән, мөфтиләр ишелде дип әйткән көнбатыш стена төзек иде, ә ярым айлар алдан ук алып куелган иде -, диелә хатта.
Равил Гайнетдин җитәкләгән Русиянең Европа өлеше Диния нәзарәте исә яңгыр яву аркасында мәчет дивары ишелде дигән мәгълүмат таратты. Әмма бу урында сорау туа? Ни өчен 1 сентябрьдә үк мәчетнең тәрәзләрен, ишекләрен каерып алдылар? Соңгы көнгә кадәр мөфти Гайнетдин мәчетне төзекләндерәбез генә дип халыкны алдап килде. 2005 елда Татарстан акчасына яңартылган мәчетнең яңгырдан гына ишелеп төшүен Русиянең Европа өлеше Диния нәзарәтенең «мәчетне саклау турындагы уйдырмасы» итеп кабул итәргә кирәк.
Мәчетне җимерү турында Равил Гайнетдиннең урынбасары Дамир Гизатуллин «Вести» каналына аңлатма да бирде. Ул анда нәзарәт рәисе вазифаларын башкаручы буларак күрсәтелгән. Димәк, Равил Гайнетдин Мәскәүгә татар-мөселманга каршы җинаять эшләнгәндә, нәзарәт рәисе вазифаларын калдырып торган булып чыга. Бу көннәрдә Равил Гайнетдин мөфтият рәисе булмаса да, ул татарлар арасында мәчет җимерергә фатиха бирүче, Русия башкаласында татар факторын бетерергә тырышучы булып тарихка кереп калачак.
Аннан соң Мәскәүдәге татар мирасын якларга иң кирәк вакытта Татарстан хакимияте, татар конгрессы, Татарстан мөфтияте күтәрелмәде. Татарстан мөфтие Илдус Фәиз хәтта мәчет җимерү мәсьәләсендә хәтта чебеннән фил ясамаска чакырды. Моны инде Татарстанның Мәскәүдәге мәчеткә рәсми карашы итеп кабул итәргә кирәк. Әмма Мәскәүдәге татар мәчетен җимерү гади мәчет җимерү генә түгел, ә Татарстанны бетерү, дип саный мәчетне саклап калырга тырышып йөрүчеләр. Җәмигъ мәчетен җимерү
Татар заманы сахифэсен карагыз, нинди ялган белэн халыкны алдарга торышылар.