«  Декабрь 2011  »
ПнВтСрЧтПтСбВс
   1234
567891011
12131415161718
19202122232425
262728293031



Мусульманские праздники

Код нашей кнопки для вашего сайта

Духовное Управление Мусульман Чувашской Республики



Просто скопируйте этот текст в html-код своей странички. Код валиден и содержит только ссылку на наш сайт и изображение самой кнопки.






Яндекс.Погода
Главная » 2011 » Декабрь » 26 » Чуашстанда мөселман яшьләре бәйгесе узды

 Чуашстанда мөселман яшьләре бәйгесе узды

 

Чуашстан мөселманнары Диния нәзарәте үзенең эшчәнлегендә яшь буынны ватанпәрвәрлек
  һәм сәламәт тормыш алып баруга аеруча басым ясый.  Нәзарәтнең "Мәүлид”, җәйге балалар лагерьлары,  Шәкертләр бәйрәме кебек зур проектлары шушы юнәлешне максат итеп куя. Инде менә шушы зур эшләргә тагын берсе  өстәлде.  Ул - узган якшәмбедә Чуашстанның Татар  Согыты авылында  узган "Чуашстан мөселман яшьләренең интеллектуал

 бәйгесе” дип атала.  


 
Әлеге чара да, башка күп кенә проектлар кебек үк, "Ислам мәдәниятен, фәнен һәм мәгарифен үстерү Фонды” белән берлектә оештырылды.

Чуашстандагы мәчетләр каршында даими рәвештә якшәмбе мәктәпләре эшләп килә. Аларда дин нигезләреннән тыш,  милли тәрбия, Ватан  һәм милләт тарихы,  

күпмилләтле шартлардагы  яшәеш нигезләреннән сабаклар бирелә. Менә шушы якшәмбе мәктәпләрендә укучы яшҗләрнең иң осталары  Татар Согыты авылының спортзалына җыелдылар. Татар Согыты имамы  Рәфик хәзрәт Сәфәров, мәктәп  директоры  Хәйдәр әфәнде Сабитов тырышлыгы белән балаларның ярышы өчен барлык мөмкинлекләр тудырганнар иде. 

 


Тамырсыз киләчәк булмый.

 

Диния нәзарәте  якшәмбе мәктәпләре укытучылары белән бергәләп бәйгегә ныклап әзерләнгән иде.  Бәйге алдыннан ай дәвамында  укытучылар белән әзерлек алып барылды. Бәйгенең сораулары, программасы әзерләнде.  Аның максаты итеп, яшьләрдә ватанпәрвәрлек тәрбияләү, тарихны белү, дини сорауларга төпле җаваплар  әзерләү каралган иде. Шулай итеп,  сигез командага бүленгән  балалар  бәйгедә ярышты. 


Моннан тыш,   аеруча игътибар сәламәт тормыш рәвешен алып баруга,  тәмәке, аракы һәм  наркотикларга каршы   пропаганда яшьләр бәйгесендә аеруча  зур урын алып торды.  Бу начар гадәтләрнең кеше тор

мышына бары тик фаҗигаләр алып килүен алар ачык һәм фәһемле итеп  күрсәтеп, аңлатып бирделәр.Шунысын  аеруча искә алырга кирәк,   балалар дини сорауларга төпле җаваплар гына әзерәп калмыйча,  үз авыл-мәхәлләләрендә булган  борынгы  әйберләр,  тарихи экспонталар,  әби-бабалардан калган киемнәрдән күргәзмә дә ясап, алар белән таныштырдылар да.  Үзләре дә татар киемнәре белән киенгәннәр иде.  Быел бөек шагыйребез  Габдулла әфәнде  Тукайның тууына 125 ел  булуын искә алып,  аның иҗатына аерым игътибар бирелде. Балалар  Тукай иҗатыннан шигырьләр  генә сөйләп калмыйча,  аларны  сәхнәләштерделәр дә.

 

Бәйрәм бүләксез булмый.

 

Балаларның ярышына  мәртәбәле жюри бәя биреп торды.  Чуашстан  Диния нәзарәте ахуны  Нурсилам хәзрәт Хайбуллов,  Татар  Согыты мәктәбе  директоры  Хәйдәр  әфнде Сабитов,  дини мөгаллиммәләребез  Камәрия һәм  Роза абыстайлар  балаларның әзерлегенә  олы бәя бирделәр.  Шулай итеп,  жюри  йомгаклавы болай булды: Татар Согыты авылындагы  Рәфик хәзрәт Сәфәров җитәкләгән якшәмбе мәктәбе укучыларының "Ватанпәрвәр” төркеме беренче урынга лаек булды.  Тукай авылы  мәчете каршындагы якшәмбе мәктәбе укучыларының "Тукай оныклары” төркеме икенче урын,  Кызыл Камыш мәчете каршындагы  Зилә ханым җитәкләгән якшәмбе мәктәбенең "Ислам нуры” төркеме өченче урынга лаек булды.  Бу төркемнәр кыйммәтле бүләкләр, зур-зур шамаилләр белән бүләкләнде.  Моннан тыш,  һәрбер төркем термотоп дип аталган  термос-чәйнек белән белән бүләкләнде. Җиңүчеләр белән бер рәттән,  Шыгырданның Рафика ханым  Багманова җитәкләгән  Урталык мәхәлләсе якшәмбе мәктәбенең  "Манара” төркеме,  Әле Башы авылы мәчете каршындагы  Айсылу ханым Сәйфуллова җитәкләгән якшәмбе мәктәбенең  "Иман нуры” төркеме,  Озын  Куак авылындагы  Яфизов Рәис һәм Рәйсә җитәкләгән якшәмбе мәктәбе  укучыларының "Бердәмлек” төркеме,  Урмай авылының урта мәчет мәхәлләсе каршындагы  Әлмира ханым  Рахимҗанова һәм  Фәрит хәзрәт җитәкләгән  "Урмай шәкертләре”, Чичкан авылы мәчете каршындагы  "Ялкын” төркеме шулай ук олы бүләкләргә лаек булдылар.

 

Моннан тыш,  Диния нәзарәте  "Ислам мәдәниятен, фәнен һәм мәгарифен үстерү  Фонды” белән берлектә,  Чуашстан мәчетләре каршындагы  якшәмбе мәктәпләрендә укытучы дистәләгән мөгаллимнәргә  аерым бүләкләр булдырды. Алар да шушы бәйге тәмамлангач тапшырылды.

 

Чуашстан Диния нәзарәтенең аерым бүләгенә  Кызыл Камыш авылында яшәүче  Нурдания апа  Исхакова да лаек булды. Ул,  бәйгедә катнашучылар һәм тамашачылар алдында  үзендә сакланган, күп кенә музейлар көнләшерлек, борынгы  кием-салым, җиһазлар белән таныштырды.

 

Мөфтинең үз бәясе

 

Ярышны башыннан ахырынача  күзәтеп барган  Русия Баш мөфтиенең беренче урынбасары,  Чуашстан,  Мәскәү һәм Русиянең үзәк өлеше  мөфтие,  Русия  Җәмәгать  палатасы әгъзасы Албир хәзрәт Крганов  Татар Согытында,  ике йөзләп бала катнашкан бәйгене олы бәяләде. Сәхнәдә күрсәтелгән  вакыйгалардан сабак алып, тормышка аек караш булдырырга,  сәламәт тормыш алып барырга,  тарихны, дәүләт кануннарын  белергә, миллилекне сакларга чакырып, соңыннан ул кыска гына вәгазь дә сөйләде.  Шул ук вакытта,  балаларның  инсафлы киемнәренә сокланып,  бүгенге мәктәпләрдә  аерым мәктәп формасын кертүне  актуаль дип белдерде.  "Мин күп алдынгы Европа илләрендә йөрдем, һәр берсендә  мәктәп формасы бар.  Бездә дә, инсфалылык үрнәге булырдай  бер форманы кертү вакыты җитте инде,”- дип белдерде ул. Киләчәктә дә шундый зур чараларны уздырырга,  балалар белән эшләүне дәвам итәргә кирәклегенә басым ясады.

 Соңыннан бәйгедә катнашучылар, оештыручылар  һәм килгән кунаклар, Татар Согыты мәктәбе  бинасында Нәзарәт белән берлектә әзерләнгән матур табын артында  аш мәҗлесендә булдылар.

 

 

 

Добавил: redaktor | Рейтинг: 0.0/0 |






Карта Чебоксар

Карта Чувашии

Официальный сайт Всемирного конгресса татар

Всемирный форум татарской молодежи

Официальный сайт татарской общины Самарской области

Татарский независимый портал

Татарский Всемирный сервер

TATARICA - татарский мир

Первый сайт астраханских татар

Татары Урала

Татары Башкортостана

Общение в татарском мире

Агенство Татарстана по массовой коммуникации

Караоке по-татарски

Совет деревни Урмаево

Общественная организация «Национально-культурная автономия татар Чувашской Республики»

Список членов Совета общественной организации «НКАТ ЧР» на 2008год

Сведения об истории татарской диаспоры Чувашской Республики

Татарское население районов и городов Чувашской Республики по данным переписи населения 2002года

Татарские творческие коллективы Чувашии


Наши друзья:
Проекты CRM Документы http://tokaevo.ucoz.ru
http://www.umma.ru
http://tatar-congress.org
http://muslime-penza.ru/
Сайт создан в системе uCoz
2008 © Духовное управление Мусульман Чувашской Республики